Сосема солидната продажба на електричниот SUV на Škoda во иднина ќе биде уште подобра – нејзината купе верзија одушевува со својот изглед.
Новиот Enyaq Coupe iV е поелегантна и попргава алтернатива на чешката електричната гордост и ќе се произведува на истото место, во фабриката на Škoda во Млада Болеслава.
Додека однапред владеат познатите црти, задниот дел со своите остри рабови е сосема нов и му дава далеку подинамична силуета.
За изгледот придонесува и црниот панорамски стаклен покрив кој се протега по целата должина, визуелно спојувајќи се со ветробранските стакла напред и назад.
Претставителноста е нагласена со црните контрастни елементи, тркалата меѓу 19 и 21 инч и уникатната Crystal Face маска осветлена си 131 LED сијаличка.
Škoda ќе го нуди Enyaq Coupe iV со две големини на батериите, четири различни моќности и погон само на задните или на сите тркала.
На врвот на понудата е RS верзијата која има батерии од 82 kWh и два електромотори со вкупна моќност од 299 коњски сили и намален клиренс за 15 милиметри.
Истиот погон но со 265 коњски сили го има и 80x изведбата, додека верзијата со ознаката 80 и погон само на задните тркала има 204 коњски сили.
Основната варијанта Enyaq Coupe iV 60 има батерии од 62 киловат-часа и еден електромотор од 179 коњски сили кој ги задвижува задните тркала.
Новиот модел треба да се најде во продажба во текот на април, кога ќе ги дознаеме цените и подеталните спецификации.
