Новата генерација на Е-класата е веќе во салонот на домашниот увозник. Премиерното прикажување помина на очекуваното (нај)високо ниво.
По подолго време повторно се почуствувавме како дел од развиениот автомобилски свет.
И кој би бил заслужен за тоа ако не претставникот на најреномираниот светски производител, Mercedes-Benz.
Повод за атрактивниот настан беше претставувањето на новата E-Class, а изведувачи на префинетиот уметнички перформанс беа членовите на „Васил Хаџиманов Бенд“. За убавата атмосфера свој придонес даде и реномираниот домашен бенд „Рингтон“.
Сепак главната звезда на носот го носеше светски познатиот трокрак симбол. Под рефлекторите силно блескаше новата Mercedes-Benz E-Class.
Околу техничките подробности би ве упатиле на нашиот натпис од неодмана (на линкот ТУКА).
Токму како што и се очекува од модел на Mercedes кој најдолго патува низ времето, секогаш носејќи врвни технолошки иновации.
А за практична визуелизација на погорната констатација беа изложените модели на Е-класта од минатите генерации помеѓу кои имаше и рекордер со изминати 4,6 милиони километри.
Новата Е-класа продолжува да ја испишува уникатната сторија на успех.
Таа повторно сјае со препознатливиот дизајн, иновативните технологии, еоколошките решенија, а во најновото издание и со примена на вештачката интелигенција.
Сепак за повеќе информации ќе треба да се обратите во „Мак Аутостар“ каде со задоволство ќе се погрижат да го задоволат вашиот интерес.
