Ако испитувањето на пазарот покаже дека годишно можe да се пласираат половина милион примероци, тогаш би следел службен настап.
Cupra, електричниот спортски бренд на Volkswagen групата има јасна цел: пласман на половина милион возила на пазарот на Соединетите држави.
Тоа е убав обид на брендот, кој е издвоен од матичниот Seat како посебна електрична дивизија, за експанзија на влијателниот aмерикански пазар.
Во моментот Cupra е присутна во Мексико и Австралија, а во тек се подготовки за настап во Колумбија и Чиле.
Оперативниот директор на Cupra, Вејн Грифитс (Wayne Griffiths) е оптимист. Верува дека со современиот дизајн и одличните перформанси, Cupra ќе успее да привлече пола милион купувачи на годишно ниво.
Тоа всушност е таргетот кој овозможува економска исплатливост на пробирливиот американски пазар.
Во моментот флотата на Cupra се состои од хечбекот Leon и кросоверите Formentor, Ateca и Born . Во блиска иднина ним ќе им се придружи уште и Tavascan, а за догодина е планиран Terramar.
