Кинескиот електронски гигант по повод својата 10-годишница лансираше нешто што многу ќе ги возбуди ентузијастите.
Далеку од обичен, овој електричен картинг од Xiaomi е создаден со допринос од Lamborghini, заради што името му е дополнето со Lamborghini Edition.
Бојата е специјална жолта, исто како и италијанските суперавтомобили, од кои има преземено некои дизајнерски детали и амблемот.
Има батерија од 432 Wh која треба да му обезбеди поминување добри 62 круга од по 400 метри, и тоа со брзина од 40 km/h.
На малите тркала се монтирани специјални пневматици со кои лесно ќе се натера на дрифтање, а она што навистиона возбудува е специјалниот аудио-систем кој го имитира звукот на V10 машините на Lamborghini.
Цената на Xiaomi Ninebot GoKart Pro Lamborghini Edition изнесува нешто помалку од 1.500 долари, а засега е нејасно дали ќе се продава и надвор од Кина.
