Уште со пензионирањето на седмата генерација на Celica во 2006 година се појавија гласини дека јапонскиот производител ќе го оживее ова вечно име.
Надежите најпрво беа дека тоа ќе биде вистинско спортско купе какво што Celica била отсекогаш, за потоа да се споменува кросовер, а пред некое време и хибриден перформансен модел.
Но поминаа повеќе од 14 години откако последната Celica слезе од монтажните ленти во Јапонија, и веќе е јасно дека Toyota нема намера да направи нова генерација, барем засега.
Затоа да погледнеме наназад и да се потсетиме на спортското купе чија историја започна во 1970 година.
