СЛЕДЕТЕ НЀ

Видео

Subaru BRZ сега уште побрз [2*видео]

Уште малку па девет години откако Toyota и Subaru го поставија задоволството во возењето на врвот на листата карактеристики на заедничките GT86 и BRZ.

Љубителите на адреналинот беа среќни, но не докрај – Јапонците им останаа должи за една помоќна верзија на своите спортисти.

Сега веќе немаат причина да се лутат – втората генерација на мускулестите купеа пристигнува со посилен мотор и унапредени перформанси.

Честа прв да истапи ја имаше Subaru, кој го потпиша новиот 2,4 литарски боксер мотор со 230 коњски сили, атмосферски, секако.

Спарен со шестстепен мануелен или автоматски менувач, тој нив ќе ги пренесува на задните тркала, што е формулата за целосно задоволство во возењето.

Ослонувањето еволутивно е модификувано, тежиштето сега е уште пониско, а значајно подобрување на возните својства донесе и новиот систем за контрола на стабилноста.

Должината на BRZ е зголемена за 30, височината намалена за 10, меѓуоскиното растојание продолжено за 5 mm, а тежината со употреба на алуминиум од кој се покривот, крилата и хауба задржана на 1.315 kg.

Ова 2+2 купе сега има поатрактивен изглед на кој се истакнуваат новите предни светла и хауба, изменетите браници, пошироките блатобрани, интегрираниот заден спојлер и двете издувни цевки.

Внатрешноста доби поквалитетни материјали и помодерни технологии изразени преку дигиталната инструмент табла, инфозабавниот систем со 8-инчен екран, Subaru EyeSight комплетот за асистенција на возачот и друго.

Во очекување на неговиот брат близнак од Toyota се дознава дека во согласност со номенклатурата на поновите спортски модели веројатно ќе ја има ознаката GR 86.

 

 

 

Реклама
Реклама
Реклама
Реклама

Интересно

Повеќе од Видео