После скоро цела година, Honda конечно го претстави новиот Civic и за европскиот пазар.
Изгледот на новата, 11-та генерација на Honda Civic веќе добро ни е познат – измени во однос на американската верзија скоро и да нема.
Го краси елегантна и спортска силуета што е постигнато со спуштање на линијата на хаубата за 25 mm во однос на претходната генерација.
Истото важи и за внатрешноста, во која европските купувачи ќе ги дочека поголем простор добиен со зголеменото меѓуоскино растојание.
Она што нема да ги дочека се дизел моторите кои веќе ги нема, но ги нема исто така и класичните бензинци бидејќи ќе се нуди само во хибридно издание.
Комбинацијата на дволитарскиот бензинец со електромотор испорачува 184 коњски сили кои бараат просечни 5 литри гориво на 100 километри.
Батериите сместени под задните седишта овозможуваат возење и во чисто електричен режим, исто како и кај останатите хибридни модели во гамата.
Новиот Civic во европските продажни салони на Honda ќе пристигне наесен, кога ќе бидат познати и цените.
Затоа што едно видео вреди повеќе од илјада фотки, ви предлагаме да ги погледнете сите 4.
