Минатата недела од производните ленти на фабриката на Fiat во Тики, Полска, произведен е Fiat 500 со сериски број, 2.000.000. Славеничкиот модел е екслузивец од серијата Fiat 500C Collezione, а опремен е со TwinAir турбо мотор со 85 коњски сили.
Производството на 2.000.000 автомобили Fiat 500 е клучот во успешната приказна. Легендарниот Fiat се продава во повеќе од 100 земји. 80% од продажбата е надвор од Италија, што го прави Fiat светски модел.
Тој е лидер на пазарот во девет европски земји и е меѓу првите три во уште други седум.
Во единаесетата година од неговото производсто со скоро 60.000 продадени примероци во Европа во првиот квартал на 2018 година, Fiat 500 го одбележа најдобриот квартал досега.
30 специјални серии произведени во последните 11 години, под ознаките на Fiat и Abarth, се тајната на неповторливиот успех на Fiat 500. Новиот уникатен модел на Fiat 500 Collezione го следи стилскиот свет и лимитираните серии, како што се моделот Fiat 500 60th и Anniversario, пуштени во продажба минатата година, за да ја одбележат 60 годишнината.
Моделот 500 прв пат беше произведен во 1957 година и оттогаш се продадени преку 6 милиони автомобили.
Низ континентот, но и вон него, и за сите генерации на возачи, овој модел одигра извонредна улога во развојот на автомобилизмот и на масовната моторизација.
Не е случајност што Fiat 500 од серијата F која се произведуваше помеѓу 1965-1972 година како најпопуларна и најпозната се најде во колекцијата на популарниот Музеј на Модерна Уметност (МоМА) во Њујорк.
Производството на популарниот Fiat, со лансирање на новиот модел, започна во Тики во 2007 година.
Овој модел стана и првиот градски автомобил во светот кој е избран за “Автомобил на годината во Европа” како резултат на високите перформанси. Со повеќе од 200.000 примероци годишно, вклучувајќи ги и двете марки Fiat и Abarth, денес полската фарбрика е една од најпрестижните FCA фабрики во светот. Фабриката е меѓу првите кои добиле највисоко златно признание за производство.
