Новата ера бара и ново име – отсега американската филијала на VW ќе се вика Voltswagen of America – така гласеше бомбастичната вест која испадна дека е предвремена првоаприлска шега.
Според неа, оваа мала (само една буква) но суштинска промена требаше да го означи почетокот на електричната иднина на марката.
Согласно стратегијата, сите електрични модели во Америка ќе ја носеа ознаката Voltswagen со лого на светло сина позадина. Бензинските, пак, како и досега, ќе го имаа само знакот VW, поставен на темно сина позадина.
Промени во називот на компанијата или пак на возилата во Европа, не се споменуваа. За да бидеме поуверени дека VW мисли сериозно, беше сменета и веб-страницата.
