Нема да биде добро – се продолжија прогнозите за траењето на црните денови за автомобилската индустрија.
Главниот финансиски директор на Volkswagen, Арно Антлиц, очекува недостатокот на чипови да се растегне до 2024 година.
Според него сега постои структурно недоволна понуда, која веројатно донекаде ќе биде ублажена во третиот или четвртиот квартал годинава.
Ситуација би требало да се подобри во идната 2023-та, ама структурните проблеми сé уште нема во потполност да бидат решени.
Според него, производителите на чипови нема да можат да се носат со зголемената побарувачка до средината на деценијата.
Слични, скоро идентични прогнози има и BMW, така што не треба да очекуваме дека работите ќе се стабилизираат во наредниве две-три години.
