На струјата сé уште не ѝ е место во Aston Martin – најновата нивна креација ќе има моќен V12 мотор.
Aston Martin од 2026 година ќе нуди само хибридни и електрични модели, но дотогаш октаните ќе владеат во неговата гама.
А таа, како што веќе некое време се најавува, ќе биде збогатена со новиот V12 Vantage чија премиера е најавена за 16 март.
Како што се очекува, тој ќе добие редизајниран боди-кит со пошироки крила, нова маска, поголеми спојлери напред и назад, хауба со голем отвор за воздух и две централно сместени издувни цевки.
Според непотврдените информации низ нив неговиот 5,2 литарски твин-турбо арсенал ќе испалува 690 коњски сили, кои ќе се кротат со спортски подесеното ослонување и засилените сопирачки.
Овој модел кој како последен потомок на својата лоза означува крај на една ера, ќе биде лимитиран на само 299 примероци.
Слушнете го.
