Во својот финансиски извештај за третиот квартал, нималку случајно, Mazda објави фотографија која на почеток ги збуни сите.
На неа се прикажани три мотора – лево и десно со шест цилиндри во линија, а на средина четирицилиндричен хибриден.
За да нема забуна дека се работи за шестцилиндричен мотор од едната страна е поставена главата, а од другата блокот на новиот мотор на кои се гледа дека е со четири вентили на цилиндар.
Индустриските информации велат дека најмалку од мај 2019 година Mazda работи на овој мотор кој се очекува да биде понуден во бензинска, дизел и Skyactiv-X изведба.
Подобро упатените ќе се сетат и дека во февруари годинава се појавија патентни слики на овој мотор, а сега се дозна и дека ќе биде поврзан со погонски систем на сите тркала.
Со оглед на иднината кон која чекорат сите, повеќе од извесно е дека ќе има и свои хибридни варијанти, најверојатно и плаг-ин хибридна и 48-волтна блага хибридна.
За кои модели е наменет, не е познато.
