Како што ветија, Полјаците ги покажаа прототипите на електричните возила од новата марка, која ја нарекоа Izera.
Се работи за SUV и хечбек од Ц-сегментот за кои засега малку се знае, но веднаш се забележува дека ги има дизајнирано човек кој работел за Jaguar.
На Полјаците сличноста со i-Pace не им пречи, додавајќи дека главниот дизајнер Тадеуш Јелец има работено заедно со италијанскотo студио Torino Design.
Она што повеќе сакаат да го потенцираат е дека ќе имаат автономија од околу 400 километри и дека до 100 km/h ќе забрзуваат за околу осум секунди.
Битно им е и што производството и продажбата во Полска ќе започнат во 2023 година, но засега не ги откриваат цените и плановите за извоз.
Зад овој проект стојат четири големи полски енергетски компании во сопственост на државата.
