Во време кога производителите се натпреваруваат кој ќе понуди возило со поголема автономија, BMW има други размислувања.
Дејвид Ферафино, кој беше задолжен за развојот на електричниот i4, вели дека целта на BMW е постигнување автономија од 600 километри.
Тој дефинитивно смета дека место да се брка волшебната бројка од 1.000 km, многу побитно е добро да се развие инфраструктурата за полнење на батериите на електричните автомобили.
Според него дури и сега во Европа постои доволен број полначи за да се може да се патува од Норвешка до Италија, не прецизирајќи колку време ќе треба за тоа.
Сепак јасно е дека брзото темпо на разгранетост на електричните полначи, заедно со подобрување на технологиите кај возилата, ќе доведе до постигнување на целта што си ја имаат поставено.
Друго прашање е дали и купувачите ќе бидат задоволни со тоа.
