Локалните власти на гратчето Кулмбах на северот на Баварија одлучија да забранат влез на електричните и хибридните автомобили во една подземна гаража.
Одлуката е донесена во договор со пожарникарите, а причината е еден неодамнешен пожар во неа во кој изгоре автомобил со бензински мотор.
Звучи чудно, но логиката за ваквата одлука е што пожарите кај електричните автомобили се поинтензивни и постои можност бетонските делови на гаражата да испукаат, а армираното железо да се стопи.
Сепак колку и да се во право, ако оваа пракса се прошири тоа може да значи сериозна пречка за ширењето на електричните возила.
