Во прилично тмурната импортерска година, одлична вест доаѓа од европската централа на Mitsubishi – македонскиот претставник е најдобар дистрибутер во Европа за 2020 година.
Податоците кои ги обработува производителот се однесуваат на постигнатите резултати во учеството на продажбата на локалнитe пазари.
Со учество во продажбата на македонскиот пазар на нови возила со околу 2,7%, Mitsubishi исто така е еден од најпродаваните автомобилски брендови и во нашата држава.
Веднаш после Македонија, Mitsubishi најмногу се продава во Норвешка, Исланд, Финска, Германија, Шведска итн.
Двата модела на Mitsubishi, ASX и Space Star, споредено со сите земји во Европа, најмногу се продавале токму во Македонија.
„Минатата година беше исклучително ризична поради пандемијата. Сепак многу податоци укажуваа дека КОВИД ситуацијата ќе биде долготрајна, што значеше и барање начини за намалување на притисокот врз економијјата.
Исто така, во Македонија пресудни беа и комплексните, социо-психолошки фактори на купувањето, што подоцна сето тоа се покажа како точно. Воедно, би сакал да се заблагодарам на купувачите, бидејќи без нивната доверба, немаше да го постигнеме овој бизнис успех“, изјави Владица Кокаловиќ, директор на Mitsubishi за Македонија,.
