Многу производители на возила од Кина имаат желба и планови за експанзија во Европа, но малку од нив навистина ја започнале.
Еден од ретките е Xpeng чиј електричен кросовер G3 веќе пристигна на европско тло – за почеток само 100 примероци и само во Норвешка, а понатаму и низ цел континент.
Идната година ќе се помине во скенирање и анализи на кој пазар кога и како да се напредува, по што ќе следат и подготовките за тоа.
Според нивната изјава стратегијата која ја градат предвидува трпение и долгогодишна работа, за воопшто да имаат успех во пласманот на својот прв модел.
А тој со изглед многу сличен на Tesla Model X но помал од него, со едно полнење на батериите од 66 kWh може да помине околу 450 km.
Меѓу другото е опремен и со систем за автономно возење од, како велат Кинезите ниво 2.5, а има можност и за самостојно паркирање.
Првите купувачи на Xpeng G3 ќе ги добијат своите возила за кои имаат платено по 358.000 круни (34 илјади евра) уште овој месец.
