Honda нема да чека Британија и другите да ја забранат продажбата на возила со конвенционални мотори – тоа компанијата ќе го стори самата.
Од извори на европската филијала на јапонскиот производител официјално се дознава дека возилата на бензин без електрична поддршка ќе бидат исфрлени од понуда за пар години.
Дизели секако веќе нема, така што на купувачите во Европа ќе им останат само хибридни, плаг-ин хибридни и електрични модели.
Според Honda, тоа ќе биде првиот чекор кон целосната електрификација на марката што е планирано да се случи во 2035 година.
