Во Алијансата за производство на автомобилски батерии ќе бидат вклучени и BMW и Tesla.
Европската комисија денес (26.01) даде зелено светло за формирање на втората Алијанса за производство на автомобилски батерии.
Во неа ќе партиципираат 42 специјализирани компании од 12 земји членки на Унијата, помеѓу кои се наоѓаат и автомобилските производители, BMW и Tesla.
Веста која ја соопшти германскиот министер за економија а ја пренесе Reuters, побуди голем интерес во јавноста поради фактот што развојот и производството на идната генерација батерии ќе се базира на чисти, еколошки технологии.
Со тоа Европската економија се надева на нов инвестициски импулс, како и отварање на нови 10 илјади работни места во националните економии кои партиципираат во заедничкиот проект.
