Во соработка со Subaru и Mazda, Toyota развива нови четицилиндерски мотори кои ќе се истакнуваат со исклучителна ефикасност и економичност. Ќе може да се аплицираат и во електрифицирани модели.
Претседателот на Тојота, Акио Тојода, предвидува дека електричните возила на батерии никогаш нема да надминат пазарен удел од 30 проценти.
Тој, исто така, верува дека моторот со внатрешно согорување не е непријател, туку јаглеродот што го исфрла.
Имајќи го тоа на ум, не е изненадување што најголемиот светски производител на автомобили сè уште се стреми кон ICE. Оваа недела беше најавено ново семејство на мотори со четири цилиндри. Еве што знаеме за нив.
Тие ќе работат на вообичаените фосилни горива, но исто така и на јаглерод-неутрални горива како течен водород, синтетичко гориво и биогориво. Вкупно три мотори беа откриени на заедничката конференција која Toyota ја одржа заедно со Mazda и Subaru.
Има нова атмосферска единица од 1,5 литри, за околу 10 проценти помала по волумен и висина во споредба со сегашниот мотор. Не само што ќе биде помоќен, туку и поефикасен. Се ветува губење на тежината за околу 10 проценти.
Специфичните детали за производството и економичноста на горивото допрва треба да се објават бидејќи моторите сè сеуште во развој. Иако Тоyота веќе го вгради во прототип на Prius и исто така го прикажа посебно.
Компанијата оди дотаму што вели дека нејзините нови мотори ќе го „револуционизираат пакувањето на возилата“ благодарение на намаленитe димензии. Со тоа што ги прави помали, Toyota може да ја спушти хаубата на автомобилот, што го прави поаеродинамичен за дополнително да ја зајакне економичноста на горивото.
Вториот мотор во развој е со турбополнач од 1,5 литри. Ќе биде 20 проценти помал по волумен од атмосферскиот 2,5-литарски кој тековно се користи. Истовремено, висината ќе се намали за 15 проценти. Ќе биде приближно исто толку моќен, но со големо зголемување на ефикасноста од приближно 30 проценти.
Најмоќниот од таа дружина ќе биде 2.0-литарски агрегат со турбо полнач. Во споредба со постоечкиот 2,4-литарски турбо мотор, новиот мотор има 10 проценти помал волумен и бенефитира од намалувањето на висината за 10 проценти. Тоyота вети значително поголема моќност и исто така за 30 проценти поголема ефикасност.
Како што можете да замислите, новите мотори се оптимизирани за хибридни и plug-in хибридни апликации. Лице запознаено со агендата на Тоyота, вели дека четирицилиндерските линијаши ќе дебитираат во електрифицирани автомобили кон крајот на 2026 година. Интересно е што некои варијации на моторите ќе согоруваат и дизел.
Што се однесува до тоа зошто автомобилската велесила се здружува со Subaru и Mazda, има совршена смисла кога ќе се погледнат фактите. Тоyота поседува 20 отсто од акциите во Subaru и пет отсто во Mazda. Сепак, овие нови мотори се дизајнирани за моделите на Тоyота.
Subaru работи на следната генерација хибридни поставки базирани на нивниот боксер мотор, додека Mazda троши повеќе пари во својот ротационен мотор кој треба да служи само како генератор.
Одделно од најавата за нови мотори за таканаречените „збогатени со електрика“ хибриди и PHEV, Toyota размислува да воспостави синџир за снабдување со гориво со неутрален јаглерод.
За да го оствари тоа, ги здружува силите со јапонската нафтена компанија Idemitsu Kosan, најголемата нафтена компанија во земјата Eneos и Mitsubishi Heavy Industries.
Целта е да се одржат живи моторите со внатрешно согорување на долги патеки преку декарбонизација.
