Automobili Lamborghini го прославува првото издание на Lamborghini Arena ивентот со ексклузивниот Revuelto создаден од програмата за персонализација Ad Personam.
Специјалната верзија на V12 хибридниот plug-in суперспортски автомобил беше претставена за време на викендот на Lamborghini Arena, најголемиот настан во историјата на брендот Sant’Agata Bolognese, одржан на патеката Imola.
Надворешноста на овој специјален автомобил има контрастни нијанси со нови елементи од јаглеродни влакна кои создаваат впечатлив визуелен ефект.
Каросеријата е обоена во Grigio Hati (сива) со детали во Verde Scandal (зелена) кои ја нагласуваат долната линија на автомобилот, покривот, капачињата на ретровизорите и опкружувањето на задниот дифузор, сето тоа во комбинација со Verde Chiaro (светло зелена) на клештите на сопирачките.
Задниот дел го слави италијанското знаме, со црвени, бели и зелени ленти кои ја разубавуваат долната површина на подвижното крило.
Всисувачот е вкрстен со две ленти во тркачки стил во Nero Noctis (црна), што го истакнува перформансниот став на суперспортскиот, V12 автомобил.
Покривот, задниот „cofango“, спојлерот, доводите за воздух, влошките на праговите и другите детали се направени од високосјајни јаглеродни влакна, давајќи им на елементите сјаен ефект зајакнат со 21-инчниот (напред) и 22-инчниот (заден ) високосјајни црни алуминиумски тркала Altanero.
Внатрешната облога ги повторува боите на надворешноста, со Nero Ade (црни) спортски седишта со шевови и цевки во нијансата на Verde Scandal, истата боја што се користи за логоата на Lamborghini извезени на потпирачите за глава.
Поставата на таблата на преградата е украсена со ексклузивен вез што ја прикажува мапата на патеката Имола, буквите „Lamborghini Arena 2024“ во Бјанко Леда (бело).
Ексклузивни се и плочите од јаглеродни влакна со логоа „Lamborghini Arena 2024“ и „Ad Personam“ сместени на краевите на контролната табла.
Претставен во март 2023 година, Lamborghini Revuelto е првиот V12 хибриден plug-in суперспортски HPEV (High Performance Electrified Vehicle).
Тој е опремен со 6,5-литарски атмосферски, средишно сместен, V12 мотор. Тој се комбинира со три електрични мотори, од кои едниот е интегриран во новиот 8-брзински менувач со двојна спојка.
Обезбедувајќи максимален вртежен момент од 725 Nm при 6750 вртежи во минута и максимална моќност од 1.015 КС, достигнува максимална брзина од над од 350 km/h со забрзување од 0-100 km/h кое трае само 2,5 секунди.
