После големата лимузина Senat и миниванот Arsenal, од рускиот Aurus пристигнува и првиот SUV.
Најавен заедно со путиновата лимузина, овој луксузен теренец ќе ја носи ознаката Komendant.
На фотографиите од него што ги објави руското патентно биро се гледаат конзервативните линии без скоро никакви трендовски детали, кои веднаш асоцираат на припадноста на семејството Aurus.
Заедничко за сите модели од него се универзалната модуларна платформа и хибридизираниот 4,4 литарски V8 мотор со 590 KS, спарен со деветстепен менувач и погон на сите тркала.
Овој руски „делукс“ теренец ќе се произведува заедно со Senat во фабриката на Sollers во Татарстан. Ќе се најде во продажба во 2022 година.
