Сте се обиделе ли да изброите колку автомобилски марки уште ја немаат прифатено SUV модата?
Ако се обидете, ќе наидете на проблем – толку малку ги има што нема да знаете каде да ја повлечете цртата за тоа што сé признавате како автомобилска марка.
Ќе пробаме да ви помогнеме и ќе кажеме дека според најлабавите критериуми за тоа, само 13 марки немаат SUV модел во понудата.
Тоа се Alpine, Bugatti, Caterham, Chrysler, Ferrari, Koenigsegg, Lancia, Lucid, McLaren, Morgan, Pagani, Polestar и Rimac.
На списокот до скоро беше и Abarth, а од него во иднина ќе испаднат Ferrari, Alpine и можеби и Chrysler, SUV има најавено и Lucid, а ни појавувањето на таков модел на Lancia или Polestar никого нема да изненади.
Тогаш вистинското прашање е кој ќе остане?
