Транспортери со педигре

Комбинираните превозни средства се исклучително вешти во превозот на патници или роба. При таква практичност многу малку внимание се посветува на естетиката, … но, почекајте да видите што предлага рускиот дизајнер Никита Аксионов!

Комбињата како да се осудени само на работа. Никој не обрнува внимание на нивната естетска димензија. Добро, скоро никој. Во Русија живее, и на фотошоп црта извонредни возила, познатиот уметник, Никита Аксионов.

Во моменти на напад на инспирација, уметникот се сетил да изработи дигитални скици на комбиња, и тоа од брендовите кои во својот производен програм немаат ништо слично на тоа.

Така настанале предлозите за транспортни возила за Alfa Romeo, Audi, BMW, Infiniti, Lexus, MINI, Porsche, Skoda и Subaru. При креирањето на транспортерите, Аксионов не обрнува внимание само на карактеристичните естетски детали туку и на механичките својства според кои ги познаваме овие брендови.

Како сето тоа изгледа погледнете ги фотографиите дадени подолу, со таа разлика што реалните производители на транспортери како што се Mercedes-Benz, Volkswagen, Peugeot, Renault, Fiat, … не се опфатени со идејните проекти на Аксионов.