VinFast Lux A2.0/Lux SA2.0: Виетнамски луксуз со германски вкус

VinGroup е најмоќната виетнамска групација која сега влегува и во автомобилската индустрија. Во Париз беа претставени луксузна лимузина и исто таков SUV кои се изработени со несебична помош на BMW.

Виетнамците влегуваат во сопствено производство на автомобили. За сега под брендот на VinFast ќе се произведуваат две возилаЧ луксузна лимузина која ќе се препознава по ознаката Lux A2.0 и голем SUV кој е наречен Lux SA2.0. Заедничко за двата модела е дека се изработени врз платформа на BMW Serie 5 и BMW X5.

Свежиот и современ облик, кој е близу и до европскиот вкус, е дело на група домашни дизајнери, но последниот збор и аминувањето на целиот проект е дадено од студиото на Pininfarina.

При вреднување на естетиката треба да се земе предвид специфичниот вкус на азиските купувачи, посебно поради фактот што двете возила на виетнамскиот производител веројатно нема да ги видиме на европскиот пазар.

Велиме нема да ги видиме во Европа поради фактот што Lux A2.0 и Lux SA2.0 барем засега ги спојуваат само Euro 5 нормите. Виновник за тоа е дволитрениот бензинец со двојно турбо полнење кој има чисто баварско потекло, но кој за жал не е опремен со скапите и сложени системи за варијабилна геометрија на всисните и издувните вентили.

Тоа е пресметаниот ризик со кој настапуваат виетнамците. Во случај да им се разбудат амбициите за настап на европскиот пазар веројатно веќе имаат подготвено решение.

Механичката основа продолжува со погонот на задната оска (или пак интегралниот погон кај SUV моделот) кој е поврзан преку автоматска трансмисија со осум степени. Трансмисијата е со печат на ZF, всушност како и останатите механички компоненти кои се со германско потекло.

Лимузината Lux A2.0 има меѓуоскино растојание од  297 cm, и тоа е за 4 cm подолго од Lux SA2.0. Тој однос се задржува и во вкупнта должина која изнесува 497 односно 494 cm.

Во лимзуинскиот претставник турбо бензинецот може да биде навиен на 176 или 231 КС додека за SUV претставникот е предвидена само посилната изведба.

За визуелната екпресија ќе оставиме сами да донесете заклучок а ние ќе потсетиме дека вградената опрема е на многу високо ниво, вклучително и голем мултифункционален екран кој ги заменува класичните команди. Како за први модели на еден производител воопшто не е лошо.

ТЕХНИЧКИ КАРАКТЕРИСТИКИ