Во светот
Trinity – поглед во електричната кристална кугла на Volkswagen
Малку е прерано, ама Volkswagen уште сега официјално го најави идниот знаменосец на марката.
Електричен секако, тој ќе произлезе од проектот Trinity заради што и засега така се нарекува иако не е потврдено дека Volkswagen ќе ја задржи таа ознака.
Тоа сигурно и Германците не го знаат бидејќи е најавен да се појави дури во 2026 година, а дотогаш многу работи, сакале или не, ние или тие сеедно, ќе се променат.
За неа се споменуваат автономни можности од ниво 4, што ќе значи дека овој автомобил ќе може сосема сам да се снајде во повеќето ситуации, дури и кога возачот (ако управува со него) ќе реагира несоодветно.
Дизајнерски треба да биде динамична купе-лимузина нешто налик на I.D. Vizzion концептот од пред неколку години (горе на малата сликата десно), а за него ќе биде развиена сосема нова електрична платформа.