Peugeot 408: Французите отвараат нова класа

Ненајавено, Peugeot го претстави „408“, стилско возило од „Д“ сегментот кое тешко може да се смести во постоечките категории.

Да, според должината од 4.687 mm Peugeot 408 несомнено влегува во „D” сегментот на возила. Не се осудуваме да кажеме, седани зато што „408“ е се освен тоа.

Најблиската дефиницја би била дека е нова интерпретација на купе-кросовер верзија, но во крајна линија кому категоризацијата му е важна.

Најважно е што Peugeot останува доследен самиот на себе – секогаш подготвен да понуди нешто ново.

Тоа ново, навистина изгледа одлично. И свежо. Напуштајќи ги традиционалните пропорции на класата која веќе е на изумирање – во Европа веќе не се нудат Accord, Avensis, Optima, Sonata, Mondeo,.. a наскоро се гасат Passat и Insignia – 408-мицата нуди нешто целосно ново.

При создавањето конструкторите примарно се обратиле кон (пре)богатиот рафт на групацијата. Од таму се позајмени EMP2 платформата која ја користат „308“ во хечбек и караванска верзија.

Во случајот, караванот е многу поблизок со должината, па некако се наметнува како главен дарител. Неконвенционалниот облик – сетете се на Citroen C4 и C5X – е во генетиката на PSA групацијата, но сепак малкумина очекуваа да ја видат и кај Peugeot кој за разлика од Citroen, традиционално се обраќа кон поконзервативниот дел од публиката.

Тоа воопшто не ја менува позитивната перцепција и општите симпатии кои веднаш ги собра 408. Напротив, позитивните рекации доаѓаат и од европските но и од кинеските фанови.

Во чекор со еколошките трендови се и двата plug-in мотори кои иницијално ќе го придвижуваат новиот „пежо“.

И двата предвидуваат комбинација на бензиски турбо мотор од 1,6 литри и електромотор од 81 kW (109 КС).

Разликата се прави во максималната излезна силина на бензинецот кој во послабата варијанта изнесува 150 додека кај посилната 180 КС. Заедничка е и трансмисијата – автоматскиот 8-степенски менувач ги придвижува предните тркала.

Системската силина со која располага Peugeot 408 изнесува 180 (360 Nm) во послабата и 225 КС (со идентични 360 Nm) во посилната верзија.

За некои посебни пазари (!) ќе се нуди и алтернативна пропулзија која ќе доаѓа во облик на проверениот трицилиндерски бензинец од 1,2 литри и 130 КС кој силината ќе ја пренесува преку 8-степенски автоматик.

Дизел варијанта воопшто не се споменува, но затоа платформата овозможува вградување на целосно електричен погон, верзија која може да се очекува наскоро.

За естетските и практичните својства не би коментирале превише – естетиката е во склад со новите трендови на брендот (што е одлична вест), додека околу практичноста само да го споменеме изобилието на одлично организиран простор и багажникот со големина од 536 во основна и 1.611 литри со спуштени задни седишта.