EV
McLaren го продава главниот центар
Заради итна потреба од пари, британскиот производител ја продава управната зграда.
Финансиските тешкотии во кои западна McLaren го принудија раководството на продажба на главниот центар во Вокинг.
![](data:image/svg+xml;charset=utf-8,<svg height="163px" width="300px" xmlns="http://www.w3.org/2000/svg" version="1.1"/>)
За овој модерен центар е побарано 200 милиони фунти, што е за 40% повеќе отколку приходите што компанијата ги оствари во првата половина од годинава.
Колку длабока е кризата во која се најде британскиот производител најдобро ги илустрираат приходите од истиот период лани, кои изнесуваа 592 милиони фунти.
Идниот купувач сепак нема да може да располага со објектот – услов е тој да биде изнајмен назад, за што McLaren ќе плаќа кирија.
Заради истите причини, ќе бидат отпуштени и 1.200 работници, а ќе биде продаден и малцински удел во F1 тимот.
Во 2018-та и 2019-та McLaren успеа да продаде по околу 5.000 автомобили, а годинава се очекуваат само 2.700.