Во светот
Mazda претстави нов SUV, ќе го има само во Америка
Согласно претходно објавените планови за ширење на гамата, Mazda за американскиот пазар го претстави потполно новиот SUV, CX-50.
Овој модел ќе биде прв на марката кој, почнувајќи од јануари, ќе се произведува во новата фабрика во сојузната држава Алабама која е заедничка со Toyota.
На почетокот ќе биде задвижуван со 2,5 литарски Skyactiv-G мотори со и без турбо компресор и максимални 187 односно 250 коњски сили, а за понатаму е планирана електрификација.
За возните карактеристики ќе бидат задолжени најновите i-Activ AWD и Intelligent Drive Select (Mi-Drive) системи на Mazda кои нудат различни начини на возење за различни услови.
Елегантниот но моќен надворешен изглед ги нагласува теренските способности, додека кабината е направена да пружи врвно искуство во возењето.
