Kia Telluride е прогласен „2020 Светски автомобил на годината“

Престижната титула “2020 World Car of the Year” отиде во рацете на Kia Telluride која во финаланиот избор победи пред финалистите Mazda CX-30 и Mazda3.

Telluride, големиот SUV на Kia, од ланското појавување познава само успеси. Највредниот помеѓу нив, секако е денешното прогласување на „Светски автомобил за 2020 година“.

Жирито составено од 86 еминентни новинари кои доаѓаат од 24 земји му ја додели титулата на Telluride пред двоецот на Mazda составен од моделите CX-30 и Mazda3.

Воедно ова беа финалистите влезени во потесниот годинешен избор, кој патем речено, годинава се одржува по 16. пат. Организаторот ги соопшти и носителите на награди во одделни категории; Porsche Taycan е прогласен за “World Performance Car of the Year”, и тоа пред блиските роднини, 911 и 718 Boxster Spyder.

Taycan истовремено е прогласен и за “World Luxury Car of the Year”, добивајќи најголем број гласови од жирито, пред Porsche 911 и Mercedes-Benz EQC.

Втората титула за Kia ја донесе Kia Soul EV победувајќи во категоријата “Urban Car of the Year, оставајќи ги зад себе Mini Cooper SE и Volkswagen T-Cross.

И на крајот, наградата “World Car design of the Year” отиде во рацете на еден од трите финалисти, Mazda3.

Ако се навратиме на последните четири години, престижната титула ја добиваа Mazda MX-5 (2016), Jaguar F-Pace (2017), Volvo XC60 (2018), и Jaguar I-Pace кој се закити со титулата минатата година.