EV
Kia подготвува стилски кросовер врз база на Ceed
Кога се развиваше првиот C’eed пред речиси 15 години, малку кој се надеваше дека на таа платформа ќе бидат развиени толку каросериски варијанти.
Компактот развиен во Европа и наменет за европските купувачи сега се нуди во хечбек, караванска, спортска GT варијанта (Proceed), а јасно е дека и мега популарниот SUV, Sportage, исто така своите корени ги наоѓа во класичниот Ceed.
Како тоа да не им беше доволно на дизајнерите, па сега како најново нивно остварување се најавува стилски кросовер кој би требало да ја заокружи целата гама.
Првите дизајнерски најави веќе се пуштени во оптек што ни дава надеж дека и сериската изведба ќе пристигне пред крајот на годината. Да, до тогаш ќе попричекаме и на официјалното комерцијално име.