Актуелен Миг
Hyundai Tucson e избран за Автомобилот на годината во Македонија за 2022
Во конкуренција од 8 финалисти кои беа во најтесниот избор за престижната титула, Hyundai Tucson успеа да се искачи на самиот врв.
Помеѓу 8 финалисти: BMW iX, Dacia Sandero, Honda Jazz, Hyundai Tucson, Kia Sorento, Opel Mokka, Toyota Yaris Cross и Volkswagen ID.3 кои беа избрани од сите нови автомобили кои пристигнаа на нашиот пазар заклучно со 31.12. минатата година, Tucson освои два гласа од жирито исто како и Yaris Cross, а пресуден беше рамноправниот глас кој го доделува публиката на онлајн гласање.
Покрај титулата, жирито за добитник на признанието за електричен автомобил на годината го прогласи Volkswagen ID.3, додека признанието за животно дело „Томислав Биљарац“ кое се доделува за посебен придонес за развој на автомобилизмот, го додели на Зоран Марковски.