Во светот
Hyundai до крајот на 2021-ва во САД ќе претстави 12 нови кросовери
Заедно со официјалното претставување на Tucson во САД и најавувањето на неколку претстоечки N-модели, Hyundai ги објави и кросовер-плановите за наредната година.
Според одговорните во американската компанија, до крајот на 2021-ва таму ќе бидат лансирани вкупно 12 нови или значително подобрени кросовери.
Сакајќи да ја задржи мистичноста, од Hyundai не открија докрај што сé ќе биде претставено, меѓутоа кажаа дека набројаните 12 нови SUV-модели ги вклучуваат и веќе познатите Kona, Santa Fe и Tucson.
Од другите беа потврдени пикапот Santa Cruz и сосема новиот Ioniq 5, кој треба да биде сериска изведба на електричниот концепт Hyundai 45 претставен лани во Франкфурт.
