EV
General Motors воведува безжична контрола на батериите
Иднината е во струјата, а таа се пренесува преку жици. Но дали мора?!
Иако тоа е факт, во General Motors решија да развијат систем за безжична контрола и управување со батериите кој ќе се применува во нивните идни електрични возила.
Безжичниот систем за електричен менаџмент воопшто не е за потценување како технолошко достигнување, бидејќи целосното електрично поврзување на сите системи на возилото, како погонски така и помошни, е доста комплицирано.
Како придобивка се очекува и порамномерно трошење на поединечните батериски ќелии, што позитивно ќе влијае на нивниот животен век и перформансите на возилото, посебно на автономијата и брзината на полнење.
Тоа пак индиректно ќе придонесе за можност во возилата да се вградуваат пакети батерии со помал капацитет, што ќе ги намали тежината и цената, а зголеми багажниот простор.