Ford го произведе 10 милионитиот Mustang (видео)

Автомобилската компанија Ford го произведе 10 милионитиот Mustang, најпродаваниот спортски автомобил во Америка во последните 50 години и најдобро продаван спортист во светот во последниве три години.

Десетмилионитиот Ford Mustang е кабриолет во Wimbledon White боја, опремен е со V8 мотор од 460 КС и 6-степеснки рачен менувач. Опремен е со најнова технологија за асистенција на возачот, а произведен е во фабриката во Мичиген.

Првата серија Mustang (VIN001) е произведена во 1964 година, во иста боја и беше модел со три-степен мануелен менувач и V8 мотор со 164 коњски сили.

„Mustang-от е срцето и душата на оваа компанија и е фаворит во целиот свет. Го доживеав истото чувство кога го видов ова возило по улиците во Детроит, Лондон, Пекинг исто како тоа што го имав кога го купив мојот прв автомобил – Mustang Coupe од 1966 година, кога се возев низ целата земја како тинејџер.

Името Mustang извлекува насмевка на секој јазик“, вели Џим Фарли Претседател за глобални пазари во Ford Motor Company.

Ford го прослави јубилејот со вработените во седиштето на компанијата во Дирборн, Мичиген и во фабриката Флат Рок, САД.

Свеченоста ја збогатија три P-51 Mustang борбени авиони од  времето на Втората Светска војна, што се произведени пред повеќе од пет децении, а кои прелетуваа од Дирборн до Флат Рок, каде што моментално се произведува Mustang.

Во текот на 54-годишната историја на производство, Mustang се произведувал и во Сан Хозе, Калифорнија, Метучен, Њу Џерси и фабриката за производство во Дирборн, Мичиген.

Најдобро продаван спортски автомобил

Mustang е најпродаван спортски автомобил во Америка во последниве 50 години. Оваа статистика произлегува од анализата на Ford за вкупниот број новорегистрирани возила во САД од 1966 до 2018 година, во сите сегменти на спортски автомобили.

Досега, Ford пласираше над 38.000 Mustang возила во Европа, почнувајќи од 2015 година кога моделот за првпат почна да се продава на стариот континент.

Исто така, минатата година Mustang го надмина Porsche 911 на 13 европски пазари, меѓу кои се и пазарите во Обединетото Кралство и во Шпанија. Обединетото Кралство, заедно со Германија, Франција, Белгија и Шведска се петте водечки европски пазари за продажба на Mustang во 2017 година.

Подобар од кога било

Најновиот Ford Mustang нуди многу повеќе технологија, возбудливи перформанси и повеќе персонализација.

Има поспортски изглед, подобрена внатрешност со помеки материјали на изработка, како и 12-инчен дигитален инфо систем.

Подобрените мотори вклучуваат и 5,0 литарски V8 мотор на Ford од 450 КС и 10-степен автоматски менувач. Забрзува од 0-100 km/h за 4.3 секунди, има потрошувачка од 12,1 литар/100 km и 270 грама CO2/km.

Напредните технологии за возење вклучуваат MagneRide* прилагодлива суспензија, избор на различни начини на возење (Drive Modes) и нова изведба на активен вентил за издувување кој обезбедува начин на возење Good Neighbor за рано наутро или доцна навечер.

Новата технологија за помош на возачот вклучува поддршка за детекција на рано предеупредување од судири, рано откривање на пешаци (Pre-Collision Assist with Pedestrian Detection ) и помош за возење во сопствена лента (Lane Keeping Aid).

Освен ова, Ford, претходно годинава, воведе и ново специјално издание Ford Mustang Bullitt, со што ја прослави 50-годишнината на легендарниот филм на Ворнер Брос, придвижуван од напреден 5.0-литарски V8 мотор.

Ford Mustang е во својата шеста генерација. Покрај водство во продажбата, Facebook страницата на Mustang има повеќе следбеници од која било друга марка автомобили.

[tube]https://www.youtube.com/watch?v=QFvZ377h7cU&t=9s[/tube]