Во светот
Fiat Panda останува во производство до 2026 година
Групата Stellantis го продолжи животот на сегашната генерација на Fiat Panda за уште четири години.
Ваквата вест на претставниците на синдикатите им ја соопшти раководството на фабриката во Помиљано д’Арко која се наоѓа во близина на Неапол.
Оваа важна одлука ја покажува виталноста на функционалниот италијански модел од А-сегментот претставен уште во 2011 година.
Со тоа, Fiat Panda ќе остане 15 години во производство, што е двојно повеќе од векот на актуелните нови модели, без разлика на класата.
Според плановите на Stellantis, во истата фабрика ќе се одвива и производството на актуелниот хит на Alfa Romeo, моделот Tonale.
