Интересно
Ferrari SF90 Stradale како инспирација за патики
Puma и Ferrari имаат заеднички производ – патики со ознака ION F инспирирани од SF90 Stradale.
Фанатичните заљубеници во уличните болиди од Маранело ќе препознаат некои заеднички дизајнерски стилски елементи, а и некои делови од патиките се изработени од материјали употребени кај SF90 Stradale.
Патиките чиј горен слој е направен од мрежест материјал доаѓаат со интегриран плетен чорап, а место класични врвки вграден е магнетен механизам.
За да нема никаква забуна, сето ова е зацементирано со црвената боја и логото со коњчето кое јасно става до знаење за што се работи.
За некласичните во понуда е и црна изведба, а може да се набават он-лајн во продавниците на Puma и Ferrari, по цена за Македонија од 410 евра.
