Во светот
Претставен новиот Niro
Корејците во налет – после Sportage и EV6, Kia ја претстави и потполно новата генерација на мултиенергетскиот Niro.
По шест години од лансирањето и три редизајна, првата генерација на Kia Niro се докажа кај купувачите кои ќе продолжи да ги шармира со истите атрибути.
Задните столбови кои се со поинаква боја од каросеријата завршуваат со долги и вертикално извлечени светла што ги следат стилските линии на крилата.
Огромни промени има и во патничката кабина каде инструмент таблата и централниот екран свртен кон возачот се споени во една целина.
Освен дека ќе доаѓа како хибрид, плаг-ин хибрид и целосно електричен модел, конкретни детали за погонот не се објавени.
Корејците имаат време да го сторат тоа, бидејќи лансирањето на новиот Niro на пазарот е најавено за втората половина на 2022 година.
