Во светот
Први анти-корона семафори
Нови времиња, нови обичаи – во холандскиот Ајндховен се појавија пешачки и велосипедски семафори преуредени да може копчето за нивно вклучување да се притиска со лакт.
Дело се на дизајнерот Говерт Флинт кој уште кога стана јасно дека вирусот меѓу другото се шири и преку допрените предмети, се посвети на изнаоѓање разни решенија за да се избегне тоа.
Една од неговите практични идеи е токму оваа – семафорот место со притискање на копчето да се активира со наслонување на лактот.
Според него, ова е привремено решение кое може да се инсталира на постоечките семафори, додека во иднина на нив во текот на производството ќе се вградува унапреден систем за вакво вклучување.