Во светот
Откриена тајната на „големите бубрези“ на BMW
Кога се појави новата серија 4 сите реагираа на димензиите на неговата маска, но од BMW останаа имуни на критиките, велејќи само дека „големите бубрези“ во иднина ќе го обликуваат брендот.
Нејзината големина тие не ја коментираа, но кажаа дека таа ќе биде „очите“ на идниот SUV, кој ќе има напредни автономни можности. Тоа значи дека ќе биде исполнета со бројни сензори, камери, радари…
Истакнаа дека е дело на центарот за лесни конструкции и технологии на BMW, кој досега има развиено доста иновативни компоненти за возилата од групата.
Што точно ќе се крие зад големите бубрези на маската на идниот iNext не објавија, но тоа сигурно ќе биде сериозна количина технологија – погледнете ја само нејзината дебелина.