Авто Спорт
Објавен F1 календарот за 2022 година
Организаторите на шампионатот во формула 1 го објавија календарот за идната 2022 година, најдолг во историјата.
За следната сезона најавени се рекордни 23 трки кои ќе се одржат во 21 земја, а во Италија и САД по два пати.
Саудиска Арабија од крајот на годината е поместена за 27 март, за да може сезоната да заврши пред почетокот на светското првенство во фудбал.
Заради ковид-пандемијата сé уште ја нема големата награда на Кина, ама се враќаат Австралија, Канада, Сингапур и Јапонија.
Во календарот остана трката во Имола воведена како замена за Кина, а за прв пат ќе се вози и големата награда на Мајами.
