Во светот
Кинеските освојувачи на медали добија луксузни автомобили
За секое веење на црвеното знаме, Кина ќе ги награди своите олимписки спортисти со по еден луксузен автомобил од марката Hongqi, што во превод значи – црвено знаме.
Компанијата First Automobile Works која ги произведува овие автомобили ќе подари вкупно 52 луксузни лимузини од моделот H9, вреден околу 50.000 евра.
Тие ќе бидат наменети за спортистите кои за својата земја ги освоија 38-те златни медали на олимпијадата во Токио.
На освојувачите на сребро и бронза, пак, ќе им бидат доделени истите автомобили но не како подарок, туку на користење, сосема бесплатно се разбира.