EV
И Канада се префрла на струја
Списокот на држави кои ќе ја забранат продажбата на нови автомобили со мотори со внатрешно согорување е сé подолг.
Најнова земја на него е Канада, каде од 2035 година повеќе нема да можат да се купат возила со погон на фосилни горива туку само електрични.
Канада планира на своите граѓани максимално да им го олесни преминувањето на електричните возила, пред сé со вложување во инфраструктурата и со законските акти.
Транзицијата која би требала да започне од 2025 година е доста храбар чекор за големата и ретко населена земја, во која возниот парк во голема мерка се потпира на американската автомобилска индустрија.