Во светот
Елон Маск сé побогат, возилата на Tesla сé поскапи
Меѓу вестите за богатството на Елон Маск кои ги има секој ден но со различна бројка милијарди во себе, се протна и една во која исто така бројките растат.
Но тие овој пат се однесуваат за цените на возилата на Tesla во Европа, пред сé на Model S и Model X, кои се сé поголеми.
Причината зошто е така можеби ќе стане јасна ако се знае дека најран термин за испорака на овие два модела е март 2021-вата.
За споредба, цената на истиот автомобил во САД изнесува 67.920 долари, што според сегашниот меѓувалутен курс е 57.000 евра, односно за 24.000 помалку отколку во Европа.
Од друга страна, цените на Model 3 пораснаа за само 500 до 1.000 евра, што се толкува на неговата пазарна загрозеност од страна на Volkswagen ID.3.