Се сеќавате на Mitsuoka Buddy за кој како нешто сосема поинакво пишувавме пред месец дена?
Е па сега ние пак имаме повод да пишуваме за него, а неговите творци да слават бидејќи го распродадоа!
Според јапонската компанија, нивните капацитети дозволуваат производство на 100 примероци годишно, а тие за само четири дена добиле 200 нарачки.
Успехот е поголем ако се знае дека цената на Mitsuoka Buddy стартува од околу 45.000 долари, што е скоро двојно повеќе од Toyota RAV4 на кој е базиран.
Добро опремените верзии чинат и повеќе од 56.000 долари, а од компанијата велат дека сé уште примаат нарачки, но со рок на испорака некаде во 2023 година.
Па, ако ве бендисува…
