СЛЕДЕТЕ НЀ

Видео

Mercedes-Maybach S-класа: Луксуз на еден поинаков начин [видео]

Не е Rolls-Royce, ниту Bentley, ама Mercedes-Maybach S-класата сепак им ги мрсеше конците во луксузниот сегмент.

Да остане и понатаму така, после само два месеца по промоцијата на новата генерација на S-класата германскиот производител ја подготви и нејзината луксузна варијанта.

За да ги носи ознаките на Mercedes-Maybach прво што беше направено е да се продолжи меѓуоскиното растојание за 180 милиметри, наменети за патниците назад.

Добиениот простор е пополнет со најексклузивното нешто што можат Германците да го смислат, како на пример седиштата со функција за масажа и одвоено греење за вратот и рамењата.

Големо внимание е посветено и на звучната изолација, чија ефикасност е дополнета со специјалниот Active Noise Compensation систем за анулирање на бучавата.

Задните врати се отвораат електрично, покривот е панорамски, ослонувањето воздушно, а тркалата на задната оска се активно управувани.

На возачот му стојат на располагање два големи дисплеја, MBUX ентериер со контрола со гестикулации.

Автономното возење се подразбира. Вграден е систем за автоматско возење од трето ниво кој може да го презеде управувањето при брзини до 60 km/h, … и што уште не.

За брзите патувања ќе се грижат 4,0 литарскиот V8 со 500 KS и 6,0 литарскиот V12 со 630 KS.

Подоцна ќе пристигне и плаг-ин хибридна варијанта комбинирана од 3,0 литарски шестцилиндричен мотор со вкупно 510 системски коњи. Продажбата ќе започне пред крајот на годинава.

 

 

 

 

 

 

 

Реклама
Реклама
Реклама
Реклама

Интересно

Повеќе од Видео