СЛЕДЕТЕ НЀ

Во светот

Hyundai и Kia ги прекинаа разговорите со Apple и загубија 8,5 милијарди долари

 

Apple од 2015 година работи на свое вклучување во автомобилскиот бизнис со автономно електрично возило, проект за кој никогаш официјално не призна дека се спроведува.

Но како и за сé што има во портфолиото – телефони, таблети, компјутери и друго, Apple бара партнери кои во негово име и со негови ознаки ќе го произведуваат она што тие ќе го развијат.

Така е и со нивниот замислен автомобил, за кој веднаш по претставувањето на новата E-GMP електрична архитектура му се обратија на Hyundai, поточно на Kia, имајќи ја предвид нивната фабрика во сојузната американска држава Џорџија.

Но разговорите за евентуална соработка и договорно производство на iCar прекинаа уште пред да навлезат во сериозна фаза. Apple како и секогаш молчи за сé, но Корејците го потврдија тоа.

Причината не ја наведоа, но последиците ги почувствуваа – берзите веднаш реагираа и акциите на двете компании паднаа, со што конгломератот загуби 8,5 милијарди долари од својата вредност.

Но тоа нив многу не ги засекира бидејќи претходно кога се дозна дека преговараат со Apple, нивните акции инстантно пораснаа така што всушност сега се враќаат назад таму каде требало да бидат.

Раководството на групата Hyundai не беше докрај задоволно што воопшто со преговара со некој за ваква соработка, која според нив не е во интерес на долгорочната стратегија.

Корејците всушност никогаш не биле расположени со никого да соработуваат, заради што и имаат огромна вертикална интеграција на производствениот процес – дури и челикот од кој ги прават своите автомобил е нивни.

Што сега ќе прави Apple не се знае, исто како и што не се знаеше ни дека планираат веќе во 2024 година да го лансираат својот автономен електричен автомобил.

 

 

 

 

 

 

Реклама
Реклама
Реклама

Интересно

Повеќе од Во светот