СЛЕДЕТЕ НЀ

Во светот

Haval H6: Уште еден столб во Кинескиот ѕид

На штотуку завршениот автомобилски салон во Софија имавме прилика да ја видиме целата палета на SUV возила од кинескиот специјалист Great Wall. Посебно внимание предизивика благо редизајнираниот Haval H6 кој е во понуда и кај нашиот увозник „Toltu Motors“.

Great Wall е најголемиот кинески производител на SUV и пикап возила во Кина. Тој податок доволно говори за посветеноста кон одредена категорија, како и за квалитетот на возилата.

Во широката палета на производи, Great Wall Haval H6 зазема посебно место.

Причината за посебниот третман на овој модел е од чисто далеку-источни прагматични побуди – Haval H6 е најпродаван SUV на кинескиот пазар. Е, ова веќе звучи сериозно.

Свесни за квалитетот на производите од „H“- серијата, Great Wall го издвојува Haval како посебен, премиум бренд. Засега гамата се состои од моделите Haval H2, Haval H6 и најголемиот Haval H9.

Haval H6

Кариерата на SUV-от со средна големина е започната во 2011 година, и тоа под полното име Great Wall Haval H6. Квалитетот е веднаш препознаен, па големиот успех доаѓа заедно со порастот на вкупната продажба на кинескиот пазар.

На почетокот се нудат бензиски и дизел мотори кои се комбинираат со мануелни трансмисии со 5 и 6 степени на пренос, како и погон на предната или на двете оски.

Втората генерација која премиерно настапува во 2017 година, е поставена врз истата платформа со меѓуоскино растојание од 268 cm. Визуелниот напредок во однос на претходникот не е толку изразен како што е тоа случај со содржината.

Палетата на мотори се проширува на четири бензински и еден дизел мотор, а покрај мануелниот менувач за пренос на вртежниот момент сега се ангажира еден автоматик (со 6 степени) како и еден седум-степенски менувач со двојна спојка (7 DCT).

Haval H6 во Македонија

Great Wall во нашата држава воопшто не е непознат. Домашниот застапник „Toltu Motors“ може да се пофали со пласман на поголем број пикап возила од серијата Steed кои верно служат извршувајки тешки физички работи.

Но, новиот Haval H6 е нешто сосема поинакво. Со целосно европеизиран изглед (нацртан од Пиер Леклерк) и опремен според вкусот на купувачите од Стариот Континент, јасно цели кон европските купувачи.

Кај нас понудата се состои од два бензиски турбо мотори со директно вбризгување од 1.5 и 2.0 литри (163 односно 190 КС). Примероците кои веќе сообраќаат по нашите улици се опремени со автоматски 7 DCT менувачи кои силината ја пренесуваат на предната оска.

Haval H6 е поставен на платформа со меѓуоскино растојание од 268 cm, а современо скроената каросерија се протега на должина до 461 cm. На предната оска е вграден McPherson додека задната оска е ослонета на мулти линк оска.

Тоа е накратко личната карта на кинескиот SUV кој има глобални амбиции. Во неоспорниот успех кој му се припишува свој удел ќе даде и невообичаено богато осмислената опрема како и оригиналната внатрешност изработена од одлични материјали.

Во зависност од вградениот мотор и количините на додатна опрема цените за Haval H6 се движат помеѓу 22.400 и 27.400 евра. Пред да избрзувате со било каков заклучок, најдобро би било првин детално да го погледнете возилото.

 

 

Реклама
Реклама
Реклама
Реклама

Интересно

Повеќе од Во светот