Ocean, најавениот електричен SUV на Fisker кој се очекува при крајот на годината, веќе добива пакет на надградба наменет за екстремно тешки услови.
За последниот квартал на годината најавено е пристигнувањето на Fisker Ocean.
Електричниот SUV ќе се нуди во неколку пакети на силина (читај: батерии) а посебно интригантна е најавената почетна цена од 37.5К долари.
Интересот кој го предизвикува надоаѓачкиот SUV се огледа од бројките: до сега се пријавени 22 илјади клиенти од дури 116 земји.
Некои од нив се подготвени и на подолго чекање поради тоа што Fisker Ocean најпрвин ќе биде понуден на Американскиот и Европскиот пазар.
И додека некој размислува како да дојде до својот примерок, амриканскиот производител оди чекор понатаму и подготвува војничка, Force E Packаge изведба.
Ова „војничка“ повеќе треба да се сфати како најава за теренските капацитети на специјалната изведба отколку како вистинско војникување по боиштата.
Освен милитарните организации, како интересенти се јавуваат и службите за спасување. црвениот крст, полициските единици, локалните заедници, како и цел спектар на меѓународни организации.
Од цивилната изведба, војникот ќе се разликува според силината (околу 300 КС), а секако тука е и погонот на сите тркала со посебни теренски пневматици.
Потоа следат прилагодувањата како што се зголемениот капацитет на батериите, поголемиот клиренс, појачувањето на подницата, додатни светла напред и назад, па се до можноста за вградување на специјална опрема како што е на пример голем резервоар на питка вода.
Да не заборавиме на основата, овој SUV преработен во капацитетен теренец, освен што изгледа возбудливо, се движи на електрична енергија.
