На Кинезите од Aiways им требаше само година дена да го подготват U6ion концептот за производство.
Серискиот модел очекувано наречен U6 во основа е купе верзија на U5, првиот електричен SUV на Aiways.
Од него сепак доста се разликува за што е заслужен поранешниот шеф на дизајнот на Pininfarina Кен Окијама, кој ги има потпишано Ferrari Enzo, Maserati Quattroporte и други легенди.
Малку параметри за него се објавени заради што вестите кои доаѓаат од Кина се повикуваат на 190-коњскиот електромотор од U5 и неговите батерии кои овозможуваат автономија од 400 до 500 километри. Се споменува и трета опција со автономија до 650 километри, а вистинските спецификации ќе ги дознаеме уште летово кога ќе започне неговото производство.
План е Aiways U6 до крајот на годинава да биде понуден и во Европа, најпрво во Германија, Холандија, Белгија, Данска и Франција каде U5 веќе се продава по цена од 39 илјади евра.
